សេចក្តីស្នេហា

សេចក្តីស្នេហាជាការស្រឡាញ់ចូលចិត្តជាប់ចិត្តស្អិតរមួត រាប់​អាន​ ហ៊ាន​លះបង់ និង ផ្តល់​សេចក្តី​សុខ​ដល់គ្នាទៅវិញទៅមក ទោះជាការកើតឡើងដោយត្រឹមត្រូវ ឬ ការ​វង់​វង្វេង​​នៃ​អារម្ភណ៍ក៏ដោយ។

សេចក្តីស្នេហាមានច្រើនប្រភេទណាស់ ដូចជា

សេចក្តីស្នេហារវាងឪពុកម្តាយ បងប្អូន កូនក្មួយ

សេចក្តីស្នេហារវាងអ្នក និង មនុស្សជាតិទូទៅ

សេចក្តីស្នេហាជាតិ មាតុភូមិប្រទេស ឬ ទីកន្លែងកំណើត

សេចក្តីស្នេហាព្រៃព្រឹក្សា ភ្នំ ទឹក និង ធម្មជាតិ

សេចក្តីស្នេហារវាងបុរសនារី ជាសេចក្តីសេ្នហាបែបកាមារម្មណ៍ ។  សេចក្តី​ស្នេហា​​បែប​កាមារម្មណ៍អាចកើតមានឡើងចំពោះ   បុរសនិងនារី    ឪពុក​និង​កូនស្រី ​ ម្តាយ​និង​កូន​ប្រុស បងប្អូនបង្កើត  សាច់​ញាតិ​ដែល​មាន​ភេទ​ផ្ទុយគ្នា បងប្អូនប្រុស បងប្អូនស្រី  ពូ​និង​ក្មួយស្រី មីងនិងក្មួយប្រុស តានិង​ចៅ​ស្រី។ ជា​សរុបមកវិញ សំដៅ​​ទៅ​លើ​មនុស្ស​ដែល​មានភេទផ្ទុយគ្នា។

ដូច្នោះសូមកុំទុកឱកាសអោយមនុស្សមានភេទផ្ទុយគ្នា នៅជិតគ្នាជារឿយៗយូខែឆ្នាំ​ឲ្យ​សោះ  ទោះជាឪពុក និង កូនក៏ដោយ។

សេចក្តីស្រឡាញ់ និង ការអាណិត

សូមកុំយល់ច្រឡំថា ការអាណិតធំជាងការស្រឡាញ់អោយសោះ ព្រោះយើង​មិនអាច​​រស់​នៅជាមួយមនុស្សដែលយើងអាណិតនោះទេ ប៉ុន្តែយើងអាចរស់​នៅ​ជា​មួយ​មនុស្ស​ដែល​យើងស្រឡាញ់បាន។

គុណវិបត្តនៃសេចក្តីស្នេហា

–          ស្នេហាមានការសោកស្តាយ ឈឺចាប់ស្អិតទ្រូង រងទុក្ខវេទនា​

–          ទឹកឃ្មុំផ្អែម យ៉ាងណាមិញស្នេហាវិញផ្អែមជារាប់ពាន់ដង់ តែការ​យក​អណ្តាត​ទៅ​លិទ​​ទឹកឃ្មុំ មិនមែនជារឿងងាយស្រួល និង សុវត្ថិភាពនោះទេ អាចត្រូវឃ្មុំទិច អាចត្រូវ​មុត​​បង្គង់ អាចផឹកទឹកឃ្មុំច្រើនពេកទៅជាក្តៅខ្លួន។ល។

–          កូលាបតែងមានបន្លែ ស្នេហាតែងមានឧបសគ្គ

–          មានស្នេហាដូចយកជ័រព្នៅមកបិទក្លៀក

–          រឿងស្នេហាគឺជាចំណង មានស្នេហាគឺមានទុក្ខ

–          មានស្នេហាមានអារម្ភណ៍រវើរវាយ គ្មានកោះគ្មានត្រើយ

–          មនុស្សមួយចំនួនសំលាប់ខ្លួនដោយសាររឿងស្នេហា

–          ស្នេហាអាចធ្វើអោយយើងមានគំនិតអាក្រក់ធ្វើខុសពីច្បាប់សង្គម

–          យកពេលវេលាផ្សេងៗមកចំណាយជាមួយរឿងស្នេហា(ខាតពេលវេលា)

គុណសម្បតិ្តនៃសេចក្តីស្នេហា

–          ធ្វើអោយអារម្ភណ៍សប្បាយរីករាយជ្រះស្រឡះល្អ

–          អ្នកមានស្នេហាគិតថាជីិវិតមានន័យ ព្រោះទទួលបានភាពកក់ក្តៅ

–          ទឹកមុខប្រកបដោយភាពញញឹមស្រស់ស្រាយ

–          មានទំនួលខុសត្រូវខ្ពស់ជាងមុន

–          មានជំនួយការ និង ទីប្រឹក្សាសម្រាប់ជជែកគ្នាក្នុងគ្រាប្រើគំនិត

–          ធ្វើកិច្ចការងារ មានការសង្ឈឹមជានិច្ច ព្រោះមានអ្នកចាំជួយលើកទឹកចិត្ត

–          ធ្វើកិច្ចការងារមិនដែលនឿយហត់

អាចប្តូរឥរិយាបទមករំទុំជាងមុន។