=> អនុស្សាវរីយ៍ជាមួយកំណាន់ចិត្ត
តាមធម្មតាសម្រាប់ជីវិតមនុស្សគ្រប់មិនមែនសំខាន់ទៅលើវ័យចាស់ យុវវ័យ ឬវ័យក្មេងខ្ចីនោះទេ រមែងតែងមានសេចក្ដីស្រលាញ់ ឬសេចក្ដីស្នេហារបស់ខ្លួនផ្ដិតជាប់ក្នុងអារម្មណ៍ជានិច្ច។ ការដែលមានស្នេហាគឺជាអារម្មណ៍មួយរបស់មនុស្សដែលទទួលបាននូវទិដ្ឋភាពស្រស់ត្រកាលក្នុងចិត្ត។ មនុស្សមានស្នេហានោះតែងមានគំនិតថាពិភពលោកនេះមានតែខ្លួនយើង និងមនុស្សដែលយើងស្រលាញ់ប៉ុណ្ណោះដែលយល់ពីគ្នាទៅវិញទៅមក។
ដូចគ្នានេះដែរសម្រាប់អារម្មណ៍របស់បុរសម្នាក់នេះបានដិតដាមនូវ អនុស្សាវរីយ៍ដែលមិនអាចបំភ្លេចបានទាល់តែសោះ។ ថ្វីតែសេចក្ដីស្នេហាដែលកើតឡើងពីការសម្រេចចិត្តរៀងៗខ្លួនមិន មែនជាការណែនាំពីចាស់ទុំ ប៉ុន្តែគ្រប់ទាំងទង្វើដែលមនុស្ស២នាក់បានចរចាតាមចរន្តចិត្តក៏ បានកើតចេញពីភាពស្និតស្នាល រហូតដល់មានចាស់ៗ អាចយល់ពីអារម្មណ៍របស់បុគ្គលទាំង២នាក់ ហើយពួកគាត់ (ចាស់ទុំសង្ខាង) ពុំដែលបានប្រកែករើសអើងនោះទេ មានតែជួយជាគំនិតអប់រំ ណែនាំ និងធ្វើជាអ្នកជួយតម្រង់ទិសដៅអនាគតថែមទៀតផង។
ការស្រលាញ់មនុស្សម្នាក់គ្មានអ្នកណាអាចរៀបរាប់ថា វាមានអារម្មណ៍បែបណានោះទេ តែយើងអាចនិយាយបានថាមានតែមនុស្ស២នាក់ដែលកំពុងស្រលាញ់គ្នាទៅ វិញទៅមកតែប៉ុណ្ណោះដែលអាចយល់នូវជម្រៅសេចក្ដីស្រលាញ់នេះបាន។ គ្រប់កាលៈទេសៈដែលយើងបានស្គាល់គ្នា មិនមែនសុទ្ធតែជារឿងសប្បាយទាំងស្រុងនោះឡើយ ពេលខ្លះវាអាចមានជាបញ្ហា អាចមានជារឿងស្មុគស្មាញដែលពិបាកនឹងយល់ តែបើយើងបានយល់ចិត្តគ្នាទៅវិញទៅមក និងជំនះរាល់ឧបសគ្គនោះ គ្រប់ទាំងបញ្ហាមិនអាចនៅតាមយាយីសេចក្ដីស្នេហាបានឡើយ។
តើលោកអ្នកដែលកំពុងអានអត្ថបទនេះយល់អំពីជម្រៅសេចក្ដីស្រលាញ់បានទេ? ប្រហែលជាមិនអាចយល់អស់ទេ តែបុរសម្នាក់នេះសូមបង្ហាញប្រាប់វិញថា បេះដូងរបស់បុរសម្នាក់នេះកំពុងតែអង្រួនព្រោះអនុស្សាវរីយ៍ដែលធ្លាប់បានសាងស្នេហាជាមួយគ្នា កាន់ដៃគ្នា ស្និតស្នាលជាមួយគ្នា ជួបជុំបងប្អូន បង្កើតជាទិដ្ឋភាពស្រស់បំព្រងជាច្រើនដែលពុំអាចបំភ្លេចបាន។
ថ្មីត្បិតតែខ្ញុំនឹងគេកំពុងរស់នៅជើងមេឃម្ខាងម្នាក់ ប៉ុន្តែអារម្មណ៍របស់យើងរត់រកគ្នាពុំដែលខាន ជាងនេះទៅទៀត យើងបានសាងអនុស្សាវរីយ៍ជាច្រើនជាមួយគ្នា នេះហើយជាមូលហេតុដែលកកើតជាអារម្មណ៍ប្លែកមួយសម្រាប់ជីវិតរបស់ខ្ញុំ។ ពាក្យចុងក្រោយដែលខ្ញុំអាចពោលបាននោះគឺ «បងស្រលាញ់អូន ហើយមិនខ្វល់សំដីរបស់អ្នកដទៃ» ទោះជាមិត្តភក្តិ ឬបុគ្គលណាពោលពាក្យបែបណាក៏បងនៅតែមានះអោយខានតែបាន»។
ថ្មីត្បិតតែខ្ញុំនឹងគេកំពុងរស់នៅជើងមេឃម្ខាងម្នាក់ ប៉ុន្តែអារម្មណ៍របស់យើងរត់រកគ្នាពុំដែលខាន ជាងនេះទៅទៀត យើងបានសាងអនុស្សាវរីយ៍ជាច្រើនជាមួយគ្នា នេះហើយជាមូលហេតុដែលកកើតជាអារម្មណ៍ប្លែកមួយសម្រាប់ជីវិតរបស់ខ្ញុំ។ ពាក្យចុងក្រោយដែលខ្ញុំអាចពោលបាននោះគឺ «បងស្រលាញ់អូន ហើយមិនខ្វល់សំដីរបស់អ្នកដទៃ» ទោះជាមិត្តភក្តិ ឬបុគ្គលណាពោលពាក្យបែបណាក៏បងនៅតែមានះអោយខានតែបាន»។
ខ្ញុំសប្បាយនឹងអនុស្សាវរីយ៍ទាំងប៉ុន្មានដែលខ្ញុំបានសាងឡើងជាខ្លាំង។ ហើយសេចក្ដីសង្ឃឹមដ៏ធំធេងរបស់ខ្ញុំគឺ ចំណងអាពាហ៍ពិពាហ៍សម្រាប់ជីវិតស្នេហា ឬអាចនិយាយបានថា វិញ្ញាបនបត្រស្នេហ៍។ ឈានដល់ដំណាក់កាលនេះហើយ វាមិនមែនសំខាន់ទៅលើសំដីរបស់អ្នកដទៃនោះទេ វាសំខាន់ទៅលើវិចារណញ្ញាណរបស់យើងទាំង២ រួមផ្សំនិងការសម្រេចចិត្តតែ ប៉ុណ្ណោះ។
=> អនុស្សាវរីយ៍ជាមួយកំណាន់ចិត្ត
![=> អនុស្សាវរីយ៍ជាមួយកំណាន់ចិត្ត]()
Reviewed by Sabay KH
on
October 18, 2017
Rating:
No comments: