=> សំនួរសួររកដៃគូរួមជីវិត

តើអ្នកដឹងទេថាមនុស្សដែលអ្នកស្រលាញ់សមជាដៃគូជីវិតរបស់ អ្នកហើយឬនៅ? មុនពេលឆ្លើយនឹងសំនួរនេះត្រូវស្វែងយល់ពីពាក្យថាដៃគូជីវិតសិន។ ដៃគូជីវិតមានន័យថាជាមនុស្សដែលអាចរួមសុខរួមទុក្ខនិងចែក រំលែកឲ្យគ្នាបានទាំងអារម្មណ៍ផ្លូវចិត្ត ផ្លូវកាយ ផ្លូវភេទ និងផ្លូវសេដ្ឋកិច្ច។ ជាពិសេសគួរតែជាមនុស្សដែលមានភាពទាក់ទាញបំផុតសម្រាប់អ្នក។ ខាងក្រោមនេះជាសំនួរអាថ៌កំបាំង៤សំនួរដើម្បីធ្វើតេស្តថាតើគាត់ សមជាដៃគូជីវិតឬអត់៖

ដំបូង៖ សួរខ្លួនឯង” តើខ្ញុំពិតជាស្រលាញ់គាត់អស់ពីចិត្តនិងជ្រាលជ្រៅខ្លាំងទេ”? តើអ្នកនៅតែស្មោះជាមួយគាត់ទេ បើមានបុរសដទៃជាអ្នកមានខ្លាំង សង្ហារអស់ទាស់ និងមានចំណេះដឹងខ្ពង់ខ្ពស់ព្រមទាំងអាចបំពេញចិត្តអ្នកគ្រប់យ៉ាង នោះ?
បើអ្នកឆ្លើយដោយស្មោះត្រង់ចំពោះសំនួរខាងលើថា “ចាស៎” នោះអ្នកអាចឆ្លងផុតតេស្តទី១ហើយ។

ទីពី៖សួរខ្លួនឯង”តើគាត់មានធ្វើឲ្យអ្នកសប្បាយចិត្តបំផុតទេ”? គ្រប់ពេលដែលនៅក្បែរគ្នា និយាយ
ជាមួយគ្នា អ្នកមិនដែរមានអារម្មណ៍ធុញទ្រាន់ទេមែនទេ? ផ្ទុយទៅវិញតើគាត់មានអារម្មណ៍ដូចអ្នកទេ? បើចម្លើយនៅតែឆ្លើយថា “ចាស៎” នោះសូមអបអរសាទរម្ដងទៀតព្រោះអ្នកបានឆ្លងកាត់ដំណាក់កាល២ហើយ។

ទី៣៖ ត្រូវសួរទៀតថា” រាល់ពេលខ្ញុំមានបញ្ហាគាត់នៅក្បែរខ្ញុំ និងជួយដោះស្រាយបញ្ហាដោយយកចិត្តទុកដាក់ទេ”? បើឆ្លើយថា “ចាស៎” នេះជាសញ្ញាវិជ្ជមានមួយទៀតហើយ។

ទី៤៖ សួរខ្លួនឯងទៀតថា ” តើគាត់ជាមនុស្សដែលអាចចែករំលែកអារម្មណ៍គ្នាទៅវិញទៅមកបានទេ? នៅពេលមានបញ្ហា តើខ្ញុំអាចនិយាយជាមួយគាត់ដោយស្មោះត្រង់និងដោយបើកចំហ គ្មានការភ័យខ្លាចបានទេ?”
បើអ្នកនៅតែឆ្លើយថា “ចាស៎”ដោយគ្មានពាក្យថា “ប៉ុន្តែ” នោះបានន័យថាអ្នកអាចរកដៃគូជីវិតឃើញហើយ។

មិត្តយុវវ័យចំណាយពេលត្រឹមតែ៥នាទី សាកល្បងយក៤សំនួរនេះទៅសួរខ្លួនឯងមើល តើអ្នកមានដៃគូរួមជីវិតហើយឬនៅ?

=> សំនួរសួររកដៃគូរួមជីវិត

No comments:

ចុច Like និង Share

ចុច Subscribe ដើម្បីស្ដាប់បទចំរៀងថ្មី

ជីវិត និងសុភមង្គល

ស្នេហា និងសុភមង្គល

ផ្សាយពាណិជ្ជកម្ម

អត្ថបទពេញនិយម

ផ្សព្វផ្សាយពាណិជ្ជកម្ម