=> ធ្វើជាមេផ្ទះដ៏ល្អ

ស្រី្តទាំងអស់នៅលើពិភពលោកគេតែងតែចង់ក្លាយទៅជាមេផ្ទះដ៏ល្អមួយរូបសម្រាប់ ផ្គត់ផ្គង់គ្រួសារអោយបានល្អដូចជាបុរសដែលជាំមេគ្រួសារដែរ។ នៅក្នុងគ្រួសារមួយ បើមានមេផ្ទះដ៏ល្អមួយរូបនៅរស់នៅជាមួយ នោះគ្រួសារនោះប្រាកដជាទទួលបាននូវ សុភមង្គលជាក់ជាពុំខាន។

មេផ្ទះមកពីពាក្យថា មេ + ផ្ទះ។ មេមានន័យថា ភាពធំ ភាពសំខាន់ ភាពល្អ ជាងគេ។ ផ្ទះគឺជាកន្លែងដែលយើងសម្រាប់រស់នៅ។ ម្យ៉ាងវិញទៀត បើយើងប្រៀបធៀបពាក្យ ថាមេទៅក្នុងការរដ្ធមន្រ្តីរាជការ និងតាមអង្គការក្រុមហ៊ុននានាវិញ គឺគេសំដៅពាក្យមេ នេះថាជាអ្នកធំបំផុត ជាអ្នកដឹកនាំអោយគេគោតពតាមនិងធ្វើតាម។ អាស្រ័យហេតុ ខាងលើនេះយើងជាស្រ្តីមួយរូបដែលរស់នៅក្នុងសង្គមត្រូវតែធ្វើខ្លួនអោយក្លាយជាទៅជាមេផ្ទះដ៏ល្អមួយរូប។ ដើម្បីធ្វើជាមេផ្ទះដ៏ល្អមួយរូបសម្រាប់គ្រួសារគឺមានដូចខាងក្រោម៖

១ ធ្វើខ្លួនជាស្រ្តីគ្រប់លក្ខិណា

២ មិនចេះចាក់ចុចគេ

៣ មិននិយាយដើមគេ

៤ មិនយករឿងដាក់ខ្លួន

៥ ធ្វើជាមនុស្សដែលចេះគិតពិចារណាខ្ពស់

៦ មិនចេះជឿពាក្យចចាមរាម

៧ ត្រូវជាមនុស្សធ្វើអត្តចរិតសុភាពរាបសារ (មិនកាចពេក)

៨ ជាមនុស្សចេះដឹងខុសត្រូវ

៩ ជាពិសេសជាមនុស្សដែលចេះយកចិត្តទុកដាក់គ្រប់កិច្ចការទាំងអស់

១០ ជាមនុស្សដែលមានទំនួលខុសត្រួវ

១១ជាមនុស្សឧស្សាព្យាយាម

១២ ជាមនុស្សអត់ធ្មត់

១៣ លើសពីនេះទៅទៀតជាមនុស្សដែលចេះយល់ពីចិត្តអ្នកដទៃ និងអ្នកនៅរស់នៅជា មួយ (ស្វាមី)

១៤ ចេះធ្វើម្ហូបគ្រប់ប្រភេទ

១៥ ចេះមើលថែរទាំកូន និងអ្នកដែលរស់នៅជាមួយ

១៦ ចេះដឹងពីពេលវេលា ( កំនត់ពេលបានច្បាស់លាស់)

១៧ ចេះយកចិត្តស្វាមី

១៨ ចេះរៀបចំទុកដាក់

១៩ នៅពេលស្វាមីមកពីធ្វើការចេះញញឹមដាក់រួសរាយមានសម្តីពិរោះ

២០ ចេះបង្កើតការប្រជុំនៅក្នុងគ្រួសារម្តង ឬពីរដងនៅក្នុងមួយសប្តាហ៏

២១ ចេះពិភាក្សា

២២ មិនដែលបរាជ័យ

២៣ ចេះណែនាំប្រាប់ពីអ្វីដែលនិងកូនធ្វើខុសដោយមិនប្រើពាក្យសម្តីមិនល្អ ដូច្នេះ ហើយ ក្នុងនាមជាស្រ្តីមេផ្ទះមួយរូបត្រូវតែខំហ្វឹកហាត់បន្ថែមអោយល្អ ដើម្បីកុំអោយ មានការរិះគន់ពីបុរសជាស្វាមី ខិតខំធ្វើខ្លួនអោយល្អ ជាពិសេសជាងនេះទៅទៀត មេផ្ទះសំខាន់បំផុតនោះគឺ ចេះវិជ្ជាធ្វើម្ហូបគ្រប់ប្រភេទ។ បើកាលណាគ្រួសារមួយមានស្ត្រីដែលជាមេផ្ទះដ៏ល្អគ្រួសារនោះនឹងទទួលបាន សុភមង្គល ភាពរីកចម្រើន មិនមានការនឿយណាយសុខសប្បាយជារៀងនិរន្ត។