=> តើអ្វីជាស្នេហា?

មនុស្សកើតមកទាំងប្រុស ទាំងស្រី តែងត្រូវការសេចក្តីស្រលាញ់ ការយកចិត្តទុកដាក់
ការថ្នាក់ថ្នម ពីសំណាក់អ្នកនៅជុំវិញខ្លួន ហើយនោះក៏ជាហេតុមួយដែលនាំឲ្យមនុស្ស
ចង់មាន “ស្នេហា”។

យោងតាមវចនានុក្រមសម្តេច ជួន ណាត បានបញ្ជាក់ពាក្យ “ស្នេហា” មានន័យថា សេចក្តីស្រឡាញ់ស្និត សេចក្តីស្រលាញ់ជាប់ចិត្ត ស្អិតដូចជ័រ។ ក្នុងនោះក៏បានឲ្យដឹងទៀតថា “ស្នេហា សុទ្ធតែកើតមានឯងៗ ព្រោះជាស្វ័យប្រវត្តិឥត ចាំបាច់រៀនទេ សត្វលោករមែងចេះដឹង ពីកំណើតស្រេចស្រាប់ សូម្បីសុខុមសត្វតូច តាចក៏មានស្នេហា ដោយមិនបាច់រៀនពីគ្រូណាឡើយ…។ គេបានចាត់ទុកស្នេហាគឺជាផ្នែកមួយនៃជិវិតរបស់មនុស្សម្នាក់ៗ។ មួយវិញទៀតគេថា
ស្នេហា គឺជាចំនុចផ្តើម ដើម្បីឈានទៅដល់អាពាហ៍ពិពាហ៍មួយដ៏មង្គល។ ស្នេហាជា អ្នកកំដរមួយរូមរបស់យើងដើម្បីនាំ យើងដើរលើមាគ៌ាជិវិតមួយនេះ។ ទំហំនៃស្នេហា
ធំធេងណាស់ ដោយពុំមាន នរណាម្នាក់អាចកំណត់បានឡើយ។
ស្នេហាមានល្អ មានអាក្រក់ មានផ្អែមល្ហែម មានជូរចត់ មានជួបមានព្រាត់ មានស្មោះត្រង់ មានបោកប្រាស់ ដោយពុំអាចបញ្ជាក់បានច្បាស់លាស់ ជួនកាលនិយមន័យរបស់ស្នេហា គឺអាស្រ័យទៅលើអ្នកដែលធ្លាប់ឆ្លងកាត់ស្នេហា និងធ្លាប់ភ្លក្សរសជាតិនៃស្នេហា ក៏ថាបាន។ លើលោកនេះ មានអ្នកខ្លះមានសំណាងជួបស្នេហាផ្អែមល្អែម មានសេចក្តីសុខជានិរន្តន៍ តែផ្ទុយស្រលះពីអ្នកដែលមានស្នេហាបោកប្រាស់ ជួបតែទុក្ខសោកសៅ។ ហេតុនេះចូរយើងទាំងអស់គ្នាស្វែងយល់ពីសម្ព័ន្ធភាព​ ស្នេហាឲ្យបានច្បាស់លាស់មុន នឹង ទទួលយកស្នេហាមកដាក់ក្នុងចិត្ត។
ស្នេហាមិនមែនជាអាវុធចាក់ទម្លុះបេះដូង តែស្នេហាមិនប្រាកដថាជាទឹកឃ្មុំដ៏ផ្អែមត្រជាក់ដែរ។