ដោះស្រាយជំលោះស្នេហា

មួយនៃជីវិតមនុស្ស។ ជម្លោះប្រៀប ដូចជាការដកដង្ហើមចេញចូលអីចឹង ប៉ុន្តែមានមនុស្សជាច្រើនយល់ថា ជម្លោះធ្វើឲ្យសម្ពន្ធភាពមានការស្រាំប្រេះ។ ជម្លោះអាចជាកម្លាំងចលករមួយដើម្បីសម្ពន្ធភាពគង់វង្សយូរអង្វែង។

ជម្លោះកើតមានពេលដែលគំនិតរបស់មនុស្សពីរនាក់មិនចុះសម្រុង ឬបញ្ច្រាសទិសគ្នាដែលឲ្យភាគីម្ខាងៗមិនអាចទទួលយកបាន។ មិនចំពោះថា ជម្លោះនេះកើតឡើងដោយមូលហេតុអ្វីនោះទេ វាអាចផ្ដល់ដល់អ្នកទាំងផលវិជ្ជមាន និងអវិជ្ជមាន។ ជម្លោះអាចផ្ដល់ការយល់ចិត្តកាន់តែជ្រាលជ្រៅ ភាពជិតស្និទ្ធ និងការគោរពរវាងគូស្នេហ៍ តែក៏អាចផ្ដល់នូវភាពហ្មងសៅ និងការបែកបាក់ផងដែរ។ វាអាស្រ័យលើការដោះស្រាយបញ្ហានោះប៉ុណ្ណោះ។

វិធីដោះស្រាយជម្លោះ មានការខុសប្លែកគ្នាពីមនុស្សម្នាក់ទៅមនុស្សម្នាក់។ មនុស្សមួយចំនួនយកការបំភ្លេចជា ដំណោះស្រាយដោយ គិតថារឿងកន្លងហួសឲ្យវាកន្លងហួសទៅចុះ ខណៈដែលមនុស្សមួយចំនួនទៀតតែងចងចាំទុកក្នុងចិត្តដែលជា ហេតុអាចនាំឲ្យឈានដល់ការចែកផ្លូវនាពេលអនាគត។ ជាការចាំបាច់ណាស់ក្នុងការរិះរកដំណោះស្រាយមុនពេលដែលបញ្ហា រាលដាលកាន់តែធំ។ អីចឹង ត្រូវដោះស្រាយដោយរបៀបណាទៅ?

អ្នកអាចដោះស្រាយជម្លោះដោយការនិយាយគ្នា។ និយាយប្រាប់ ដៃគូអ្នកពីអារម្មណ៍របស់អ្នកចំពោះបញ្ហានោះ។
កុំបន្ទោសគ្នា ទៅវិញទៅមក។ រៀនទទួលកំហុសបើអ្នកជាអ្នកខុស។ កុំអាងអីចង់ចែកផ្លូវ! បើឈ្លោះត្រូវឈ្លោះត្រឹមពាក្យសម្ដីបានហើយ កុំឲ្យឈានដល់ការប្រើអំពើហិង្សាដែលអាចនឹងបញ្ចប់សម្ពន្ធភាពរវាង អ្នកទាំងពីរ។

ដូចបានរៀបរាប់ខាងលើ ហើយថាការដោះស្រាយជម្លោះអាស្រ័យទៅលើមនុស្សផ្សេងៗគ្នា។ ដូច្នេះ អ្វីដែលអ្នកយល់ថាល្អ អាចមិនល្អចំពោះដៃគូរបស់អ្នក។ ដូច្នេះត្រូវនិយាយគ្នាពីដំណោះស្រាយដែលទទួលយកបានទាំងពីរនាក់។
ត្រូវដោះស្រាយជម្លោះភ្លាមៗ មិនត្រូវគុំទុកក្នុងចិត្តទុកប្រើនៅពេលក្រោយនោះទេ។ បន្ទាប់ពីដំណោះស្រាយ ស្នេហា និងការយល់ចិត្តគ្នានឹងកើនឡើង។ ក្រោយជម្លោះអ្នកនឹងបានដឹងពីអ្វីដែលដៃគូអ្នកចូលចិត្ត និងមិនចូលចិត្ត និងបញ្ហាដែលនាំឲ្យមានជម្លោះរវាងគ្នានិងគ្នា។

ប្រសិនបើដៃគូអ្នកជាមនុស្សចិតស្រាល គេប្រហែលជាឆាប់ខឹងឆេវឆាវនៅពេលមួយចំនួន។ ប្រសិនបើ អ្នកគិតថាពេលវេលាអាចជាដំណោះស្រាយ អ្នកអាចឲ្យពេលវេលាគ្នាទៅវិញទៅមក។ អ្នកដឹងទេថា ក្រោយជម្លោះ អ្នកនឹងយល់ចិត្តគ្នាកាន់តែជ្រាលជ្រៅ ប៉ុន្តែត្រូវជៀសវាងការប្រើហិង្សាឲ្យខានតែបាន! ចុះមិត្តយុវវ័យវិញមានជួបបញ្ហាអ្វីខ្លះ បន្ទាប់ពីជម្លោះ? មិនហ៊ានផ្សះផ្សា ឬពិបាកផ្សះផ្សារ?