=> រើសដៃគូមិនត្រូវចិត្តគិតធ្វើអ្វីទៀត?
មនោសញ្ចេតនាដ៏ជ្រាលជ្រៅរវាងមនុស្សពីរនាក់ដែលមានភេទផ្ទុយគ្នាអាចកើតមានឡើងដោយមិនដឹងខ្លួនក៏មាន និងអាចកើតមានដោយការគិតទុកជាមុន ដោយកំណត់លក្ខខណ្ឌក្នុងការជ្រើសរើសក៏មានដែរ។ ការធ្លាក់ក្នុងអន្លង់ស្នេហ៍ជាអារម្មណ៍ដំបូង ឬការចាប់ផ្ដើមមួយ ដែលនាំទៅរកការយល់ចិត្តមួយដែលហៅថាស្នេហាជ្រាលជ្រៅ។ ពេលជួបមនុស្សដែលអ្នកចាប់អារម្មណ៍ បេះដូងអ្នកចាប់ផ្ដើមលោតញាប់ខុសចង្វាក់ កម្ដៅក្នុងខ្លួនកើនឡើងជាងមួយរយអង្សា និងពោលពាក្យវាចាផ្អែមល្ហែមស្រទន់ខុសធម្មតា។ អ្នកពិតជាមិនដឹងថាហេតុអ្វីបានជាខ្លួនអ្នកផ្លាស់ប្ដូរ ៣៨០ ដឺក្រេបែបនេះទេ តែការពិតដែលមិនអាចគេចវេះបាននោះ គឺអ្នកចង់ទទួលបានការចាប់អារម្មណ៍ពីគេវិញ។
ទន្ទឹមនឹងនេះ ទ្រឹស្ដី និងលក្ខខណ្ឌក្នុងការជ្រើសរើសគូស្នេហ៍មួយចំនួន ត្រូវបានសរសេរឡើងដើម្បីជួយឲ្យមានការសម្រេចចិត្តបានល្អ ក្នុងការស្វែងរកមនុស្សម្នាក់ដ៏ប្រសើរ ឬល្អឥតខ្ចោះ។ តើមនុស្សដ៏ល្អក្នុងទ្រឹស្ដីទាំងនោះ មានន័យយ៉ាងណា? តើទ្រឹស្ដីទាំងនោះពិតជាអាចជួយអ្នកឲ្យរកបានមនុស្សល្អសម្រាប់ខ្លួនឯងមែនទេ? ចុះបើសិនជាអ្នកមិនអាចរកមនុស្សដ៏ល្អ ដូចលក្ខខណ្ឌដែលបានលើកឡើងទាំងនោះ អ្នកនៅតែបន្តរង់ចាំឬយ៉ាងណា?
សំណួរពីរខាងលើ ពិតជាពិបាករកចម្លើយ មួយឆ្លើយឲ្យត្រូវគ្រប់ជ្រុងជ្រោយណាស់ មែនទេ? ព្រោះស្នេហា អាចកើតមានគ្រប់ពេលវេលា។ និយាយជារួមមកស្នេហាជាអារម្មណ៍ជាធម្មជាតិរបស់មនុស្ស ដែលត្រូវតែមានមិនអាចគេចវេះបាន និងគ្មានដែនកំណត់។ គ្មាននរណាម្នាក់អាចឆ្លើយបានចំពោះសំណួរទាំងនោះបានច្បាស់ជាង អ្នកខ្លួនឯងនោះឡើយ។
សាកល្បងសួរខ្លួនឯងមើល ថាតើអ្នកអាចគ្រប់គ្រងខ្លួនឯងបានប៉ុណ្ណា នៅពេលដែលជួបមនុស្សដែលអ្នកចាប់អារម្មណ៍ខ្លាំងនោះ៕
=> រើសដៃគូមិនត្រូវចិត្តគិតធ្វើអ្វីទៀត?
![=> រើសដៃគូមិនត្រូវចិត្តគិតធ្វើអ្វីទៀត?]()
Reviewed by Sabay KH
on
October 18, 2017
Rating:
No comments: